Get your favourite books at a great price

Order your Tamil books Today!

SHOP NOW

Book Reviews

உல்லாசத் திருமணம்

உல்லாசத் திருமணம்

நிறத்தின் மொழி    மொராக்கோவில் இருக்கும் பேஸ் நகர வணிகன் ஒருவனின் கதை இது. தொழில் தொடர்பாக செனகல் நாட்டுக்குச் செல்லும்போது அங்கே கருப்பினப் பெண் ஒருத்தியை மணந்துகொள்கிறான். அவளை தன் ஊருக்கு அழைத்துவருகிறான். அவனுக்கு ஏற்கெனவே இருக்கும் மனைவி, அவளுடன் ஏற்படும் பிரச்னைகள், புதிய மனைவியின் கருப்பு நிறம், அவளுக்குப் பிறக்கும் குழந்தைகளின் நிறம், அவர்களின் எதிர்காலம் என சுமார் 70 ஆண்டுகளின் கதையைச் சொல்கிறது இந்த நாவல். நிறத்தால் ஏற்படும் ஒடுக்குமுறைகளை முன்வைப்பதே இப்புதினத்தின் நோக்கம். மொரோக்கோவில் பிறந்த பிரெஞ்சு எழுத்தாளர் நஹர் பென் ஜெலூன், தம் சமூகத்தில் நிலவும் அடக்குமுறைகள், அநீதிகள், தீமைகள் குறித்து விவாதிக்கும் நூலாக இந்நாவலைப் படைத்துள்ளார். கடைசியில் அந்த வணிகனின் பேரன் நாட்டை விட்டு அகதியாக தப்பிச் செல்ல முயன்று எல்லையில் சுட்டுக்கொல்லப்படும் நிகழ்வுடன் கதை முடிகிறது. உலகெங்கும் நாடுகளின் எல்லைகளைக் கடந்து, தங்கள் மீதான புறக்கணிப்புகளில் இருந்து ஒடுக்குமுறைகளில் இருந்து தப்பி நல்ல வாழ்வைத் தேடிச் செல்லும் மக்களின் கதையையும் இந்நாவல் சுட்டுவதாகச் சொல்லலாம். ப்ரெஞ்சிலிருந்து தமிழில் சு.ஆ. வெங்கட சுப்பராய நாயகர் மொழிபெயர்ப்பில் வெளியாகி இருக்கும் இந்நூல் விறுவிறுப்பான வாசிப்புக்கு உகந்தது.    தஹர் பென் ஜெலூன். தமிழில்: சு.ஆ. வெங்கட சுப்பராய நாயகர் வெளியீடு: தடாகம், 112, முதல் தளம், திருவள்ளுவர் சாலை,  திருவான்மியூர், சென்னை - 600041  பேச: 9840070870, விலை ரூ 300  
இருட்டின் நிறமும் பகலின் ஒளியும்

இருட்டின் நிறமும் பகலின் ஒளியும்

கவியின் ஆளுமை   கவிஞர் விக்ரமாதித்யனின் நேர்காணல்களும் இன்னும் சில செய்திகளும்    சேர்ந்து நக்கீரன் பதிப்பகத்தால் இருட்டின் நிறமும் பகலின் ஒளியும் என்று    நூலாக வடிவம் பெற்றிருக்கிறது. கவிஞரிடம் ஏராளமானவர்கள் எடுத்திருக்கும் நேர்காணல்கள் இந்நூலில் இடம் பெற்றுள்ளன. சொற்களால் நிரம்பிய         விக்ரமாதித்யனிடம் பல விஷயங்கள் பற்றிக்கூறுவதற்கு ஏராளமாக இருக்கிறது என்பது இந்த கட்டுரைகள் மூலம் புலனாகிறது. கவிஞரின் சொந்த            வாழ்க்கை, சென்னையில் பல வேலைகள் பார்த்தது, தன் சினிமா அனுபவங்கள், கவி அனுபவங்கள், குடி அனுபவங்கள், வாசகர்களுடனான உறவுகள்,           சம கால கவிஞர்கள் பற்றிய பார்வை, கவிதை குறித்த விமர்சன மதிப்பீடு என ஏராளமாக இந்நூலில் பதிவாகி உள்ளது. தனக்குப் பிடித்த கவிஞர் கண்ணதாசன் என்று பெரும்பாலான நேர்காணல்களில் குறிப்பிடுகிற இவர், அவரை          இரண்டு முறை சந்தித்து பேட்டி எடுத்திருக்கும் சம்பவங்களையும் குறிப்பிடுகிறார். பத்தாண்டுகளுக்கு முன்பு கொடுத்த பேட்டி ஒன்றில் ஆண்டாளையும் வெள்ளிவீதியாரையும் இப்போதைய பெண் கவிகள் எட்டவே இயலாது என்று ஆவேசப்படுகிறார் இன்னொரு இடத்தில் பாலுமகேந்திராவிடம் இருந்து அவர் தன்னை எடுத்த புகைப்படத்தை பெற முடியவில்லையே என ஆதங்கப்படுகிறார். வேறொரு சமீபத்திய பேட்டியில் எல்லா பெண் கவிகளுக்கும் தகப்பன் ஸ்தானத்தில் இருப்பதாக கனிகிறார். இந்நூலில் இருக்கும் நேர்காணல்களிலும் குறிப்புகளிலும் வெளிப்படுவது விக்ரமாதித்யனின் ஆளுமை.   விக்ரமாதித்யன்,  வெளியீடு: நக்கீரன் பப்ளிகேஷன்ஸ், 105, ஜானி ஜான்கான் சாலை, ராயப்பேட்டை, சென்னை- 600014 பேச: 044- 43993029 விலை : ரூ110...